ABŞ-dan Suriya əməliyyatı! İrana mesaj verildi: Hədəfləri bir-bir vurdular – FOTO

Xarici KİV-in məlumatına görə, ABŞ Suriyanın şərqində İranın dəstəklədiyi silahlı birləşmələri hədəfə alan hava zərbələri endirib. ABŞ-dan verilən açıqlamada hücumun ABŞ lideri Baydenin göstərişi ilə, ABŞ personalını qorumaq üçün, həyata keçirildiyi bildirilib.

Reuters xəbər verir ki, bu gün səhər saatlarında ABŞ ordusu Suriyanın şərqində İran İnqilab Keşikçiləri tərəfindən dəstəklənən milislərin istifadə etdiyi ərazilərə hava zərbələri endirib.

Açıqlamada hücumun “gərginlik riskini məhdudlaşdırmaq və insan tələfatı riskini minimuma endirmək” məqsədi ilə həyata keçirildiyi bildirilib.

Sözügedən açıqlamada əməliyyatın təfərrüatları və yaralılarla bağlı hər hansı bir açıqlama alınmayıb.

ABŞ Mərkəzi Komandanlığının sözçüsü polkovnik Joe Buccino, “Bugünkü hücumlar ABŞ şəxsi heyətini qorumaq və müdafiə etmək üçün lazım idi” deyib.

Bəyanatına davam edən Bucciono, “Prezident Baydenin göstərişi ilə ABŞ hərbi qüvvələri bu gün Suriyanın Deyr əz-Zor bölgəsində dəqiq hava hücumları endirib. Bu dəqiq zərbələr ABŞ personalına qarşı İranın dəstəklədiyi qruplar tərəfindən avqustun 15-də həyata keçirilən hücumlara cavab, müdafiə xarakterli oxşarlığı ilə müdafiə etmək məqsədi daşıyır”

Digər tərəfdən, İran və Suriya hələlik mövzu ilə bağlı açıqlama verməyib.