BMT-nin baş katibi yazıçı Salman Rüşdiyə hücumu şərh edib-FOTO

BMT-nin baş katibi Antonio Quterreş yazıçı Salman Rüşdiyə hücumdan xəbər tutanda şoka düşüb. Təşkilatın baş katibi ona tezliklə sağalmasını arzulayıb. Bu barədə baş katibin rəsmi nümayəndəsi Stefan Düjarrikin şərhində deyilir.

“Zorakılıq heç vaxt kiminsə öz fikir və ifadə azadlığından istifadə edərək söylədiyi və ya yazdığı sözlərə cavab ola bilməz. O, cənab Rüşdiyə tezliklə sağalmasını arzulayır”, – deyə Düjarrik bildirib, mediya xəbər verir.

Xatırladaq ki, hadisə cümə günü, avqustun 12-də, Chautauqua şəhərindəki Chautauqua Institution təhsil mərkəzində keçirilən tədbirdə baş verib.   Rüşdi Nyu-York ştatında çıxışından əvvəl institutun səhnəsində hücuma məruz qalıb. Daha sonra şübhəli şəxs həbs edilib.

Nyu-York ştatının hüquq-mühafizə orqanları yazıçıya hücumun 24 yaşlı Nyu Cersi sakini Hadi Matar tərəfindən həyata keçirildiyini bildirib. Polis FTB-nin hücumun araşdırılmasında iştirak etdiyini bildirib.

Daha sonra “New York Times” yazıçının agentinə istinadən xəbər verib ki, hind əsilli britaniyalı yazıçı ağciyərin süni ventilyasiyasına (ALV) yerləşdirilib. Kişi danışa bilmir və bir gözünü itirmək ehtimalı var. Bundan əlavə, Salmanın bir neçə bıçaq zərbəsindən sonra, qaraciyərinin ciddi zədələndiyi dəqiqləşdirilib.

1980-ci illərdə yazıçı İran tərəfindən ölüm təhlükəsi ilə üzləşib və onun “Şeytan ayələri” kitabı 1988-ci ildən ölkədə qadağan edilib, çünki bir çox müsəlman bunu küfr hesab edir. Bir il sonra İranın mərhum lideri Ayətullah Ruhullah Xomeyni yazıçının ölümünü tələb edən fətva verib.