Suraxanıda 2 il öncə döyülərək öldürülən kişinin qatillər tapıldı. 3 nədər…

Baş Prokurorluq, Daxili İşlər Nazirliyi və Ədliyyə Nazirliyi Penitensiar Xidməti əməkdaşlarının birgə fəaliyyəti nəticəsində əvvəlki illərdən bağlı qalmış daha bir qəsdən adam öldürmə cinayətinin üstü açılıb.

İctimairey.az Baş Prokurorluğun Mətbuat xidmətindən verilən məlumata görə bildirir ki, 2020-ci il oktyabrın 11-də paytaxt sakini Rüstəm Bayramovun meyiti Suraxanı rayonu Hövsan qəsəbəsində asfalt yolun kənarında aşkar edilib.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb istintaq aparılsa da, cinayəti törətmiş şəxsi müəyyən etmək mümkün olmadığından iş üzrə icraat dayandırılıb.

Sonradan cinayət işi Baş Prokurorluqda öyrənilərək iş üzrə icraatın dayandırılması haqqında qərar ləğv edilib və istintaqın davam etdirilməsi Baş Prokurorluğun İstintaq idarəsinə tapşırılıb.

İstintaqla müəyyən edilib ki, 2020-ci il oktyabr 10-u saat 22 radələrində Radiq Feyziyev, Tahir Ələkbərov və Rəşad Kərimov şəxsi münasibətlər zəminində aralarında baş vermiş mübahisə zamanı bir qrup şəxs halında Rüstəm Bayramovun baş və bədəninin müxtəlif nahiyyələrinə yumruq, təpik və yerdən götürdükləri daş parçaları ilə zərbələr endirərək onu qəsdən öldürmələrinə əsaslı şübhələr var.

Toplanmış mötəbər sübutlar əsasında cari il iyulun 23-də hər 3 şəxsə Cinayət Məcəlləsinin 120.2.1-ci (bir qrup şəxs tərəfindən qəsdən adam öldürmə) maddəsi ilə ittiham elan edilərək barələrində həbs qətimkan tədbiri seçilib.

Əvvəlki illərdən bağlı qalmış cinayətlərin açılması daim diqqət mərkəzində saxlanılmaqla bu istiqamətdə işlər davam etdirilir