SON MOBİL TEXNİKA: Xüsusi “batsmartfon” təqdim edildi- FOTO

Doogee S89 Pro “batsmartphone” Çində buraxılıb. 65 Vt doldurma dəstəyi, yüksək təhlükəsizlik səviyyələri və 64 MP kamera ilə 12000 mAh batareyaya malikdir.

Qurğu ABŞ hərbi standartı MIL-STD-810H və IP68, eləcə də IP69K standartlarına uyğundur. Bu, gövdə üçün maksimum qorunma səviyyəsidir.

Doogee S89 Pro MediaTek Helio P90 prosessoru üzərində qurulub, 8 GB RAM və 256 GB daimi yaddaşa malikdir. Ekran 6,55 düym diaqonal və 2340 x 1080 piksel təsvir ölçüsü ilə xarakterizə olunur. Akkumulyatorun tutumu 12.000 mAhdı, 65 Vt simli doldurmanı və 15 Vt simsiz enerjini dəstəkləyir.

Əsas kamera 64, 20 və 8 meqapiksel təsvir ölçülü sensorlardan istifadə edir. Aşağıda yerləşən LED-lər zəng zamanı parlaya və ya musiqinin ritminə uyğun olaraq yanıb-sönə bilər. Ön kamera 16 meqapikseldi. Həmçinin, smartfon yan barmaq izi skaneri, LTE modem və NFC çipi ilə təchiz edilib. Əməliyyat sistemi Android 12-dir.

Doogee S89 Pro iyulun 25-dən AliExpress-də 240 dollara satışa çıxarılacaq, bundan sonra qiymət artacaq.