Kiyev taxıl ixracı üçün limanlarını təmizləməyə razılaşıb

Ukrayna Qara dənizdəki limanlarını qismən təmizləməyə razılaşıb. New York Times mənbələri Kiyevin taxıl ixracı ilə bağlı sövdələşmə çərçivəsində bu addımı atmağa hazır olduğunu bildirib.

Müqavilə bu gün – iyulun 22-də Türkiyədə müzakirə olunacaq – imzalanma mərasimində Türkiyə lideri Rəcəb Tayyib Ərdoğan və BMT-nin baş katibi Antonio Quterreş iştirak edəcək. Təklif olunan sxemə əsasən, Ukrayna donanmasının və sahil mühafizəsinin kapitanları taxılla dolu gəmiləri beynəlxalq sulara çıxaracaq, burada xarici ekipajlar gəmilərə nəzarət edəcək. Onlar da öz növbəsində gəmiləri İstanbula gətirməli olacaqlar, bundan sonra onlar başqa marşrutlara çıxacaqlar.

Həmçinin Türkiyədə bu əməliyyatları izləmək üçün, mərkəz yaradılacaq və Türkiyə tərəfi Ukrayna limanlarına silahların daşınıb-daşıma edilmədiyini öyrənmək üçün, gəmiləri yoxlamağı öhdəsinə götürür.

Xatırladaq ki, xüsusi əməliyyat başlayandan sonra, Ukrayna və Qərb ölkələri Rusiya Federasiyasını 5 milyondan 25 milyonadək taxıl ixracına mane olmaqda ittiham etmişdilər. Moskva ittihamları rədd edir və limanları minalayan Kiyevin günahı ucbatından tədarükün mümkün olmadığını iddia edir.