İtaliyada anomal istilər səbəbindən 10 şəhərdə “narıncı” həyəcan siqnalı verilib

İtaliyada həddindən artıq istilər səbəbindən paytaxt Roma, eləcə də Milan və Florensiya daxil olmaqla 10 şəhərdə “narıncı” həyəcan siqnalı verilib.

İctimairey.az xəbər verir ki, anomal istilərin bu həftə sonundan gələn həftənin ortalarına qədər davam edəcəyi bildirilib. Həftə sonu bəzi bölgələrdə 35-36 dərəcə isti müşahidə olunub, havanın temperaturunun gələn həftənin ortasında 40-42 dərəcəyə çatacağı qeyd edilib.

Yüksək hava temperaturu ilə əlaqədar yanğın riskinin də yüksək olduğu bildirilib.

Qeyd edək ki, İtaliyada müşahidə edilən anomal istilər səbəbindən ölkənin ən böyük çayı olan Poda suyunun səviyyəsi bəzi yerlərdə 10 faizə enib.