Poqba “Yuventus”a qayıdır və 32 milyon avroluq müqavilə imzalayırb

Turin “Yuventus”u öz saytında yarımmüdafiəçi Pol Poqbanın komandaya qayıtdığını açıqlayıb.

Futbolçu ilə müqavilənin təfərrüatları açıqlanmayıb.

Poqba 2012-2016-cı illərdə İtaliya komandasında çıxış edib, daha sonra 105 milyon avroya “Mançester Yunayted”ə keçib. Yayda o, İngiltərə klubundan pulsuz transferlə ayrılıb.

Jurnalist Fabrizio Romano Twitter hesabında bildirib ki, 29 yaşlı Poqbanın maaşı səkkiz milyon avro və bonuslar olacaq, müqavilə 4 il müddətinə imzalanıb. Belə ki, “Yuventus”la yeni müqaviləyə əsasən, fransız ən azı 32 milyon avro qazanacaq.

Poqba ötən mövsüm bütün turnirlərdə 26 oyunda 1 qol vurub və 9 məhsuldar ötürmə edib.