FHN: Ötən sutka ərzində 64 halda qəza-xilasetmə əməliyyatları həyata keçirilib

Fövqəladə Hallar Nazirliyinin (FHN) 112 – qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən ötən sutka ərzində 58 halda yanğına çıxış, 6 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.

İctimairey.az-a FHN-in mətbuat xidmətindən bildiriblər ki, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.

Ümumilikdə, FHN-in qüvvələri tərəfindən ötən sutka ərzində ikisi azyaşlı olmaqla doqquz nəfər xilas olunub, yanğın zamanı 100 nəfər təhlükəsiz əraziyə təxliyə olunub. Həmçinin Samur-Abşeron kanalının Qusar rayonunun Quxuroba kəndi ərazisindən keçən hissəsində batması ehtimal olunan bir nəfərin axtarışlarına dalğıc-axtarış qrupu cəlb olunub.

Nazirlik əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.