SON DƏQİQƏ: Conson istefa ilə üz-üzədir

Böyük Britaniyanın baş naziri Boris Conson iki nazirin hökuməti tərk etməsindən sonra, istefaya göndəriləcək. O, çərşənbə günü, iyulun 6-da parlament komitələrinin nümayəndələri ilə iki saatlıq söhbət edəcək və bu söhbət zamanı bir sıra suallara cavab verməli olacaq. Reuters xəbər verir ki, söhbət nəticəsində rəsmilər Consonun gələcəyi ilə bağlı qərar verə biləcəklər.

Consonun öz partiyasından  daha çox tərəfdaşı onun getməsini istəyir, Reuters yazır. “Mən şübhələnirəm ki, onu [Consonu] təpiklə və qışqıraraq Dauninq-stritdən sürükləməli olacağıq. Ancaq bunu etməliyiksə, o zaman bunu edəcəyik “deyə Reuters anonimlik istəyən Mühafizəkarlar Partiyasından olan deputatın sözlərini yazır.

Bundan əvvəl Böyük Britaniyanın maliyyə naziri və səhiyyə naziri Rişi Sunak və Sacid Cavid Consonun hərəkətləri ilə razılaşmadıqları üçün, vəzifələrindən ayrılıblar. Onlar Consonun namizədi Chris Pincher-in London klubunda qalmaqallı davranışından qəzəbləniblər. Sky News xəbər verir ki, Consona dəfələrlə Pinçerin davranışı barədə məlumat verilib, lakin o, bu məlumatlara məhəl qoymayıb. Eyni zamanda Consonun üzr istəməsi də nazirlərin istefasına mane olmayıb.

Boris Consonun reytinqi kəskin şəkildə aşağı düşür. Britaniyada onu ölkəni aşağı sürükləyən “siyasi meyit” adlandırıblar, Life-a istinadən xəbər verilir. YouGov sorğusuna əsasən, britaniyalıların 69%-i Consonun baş nazir postundan getməsini istəyir. Consonun əsas qalmaqalı karantin dövründə bir gecə klubunda əyləncəsi olub. Məlumata görə, sonra o, istefa verməkdən imtina edib.