Honq Konq: məşhur üzən restoran Jumbo batdı- FOTO
Honq Konq: məşhur üzən restoran Jumbo batdı
Honq-Konqun məşhur məkanı olan üzən restoran, təxminən 50 ildir fəaliyyət göstərdiyi limandan çıxarıldıqdan bir neçə gün sonra batıb.
Cənub Çin dənizində “Jumbo” restoranı naməlum yerə gedərkən çevrilib.
Aberdeen Restaurant Enterprises, “hadisədən çox kədərləndiklərini” söyləyib və bildieirib ki, heç bir ekipaj üzvü xəsarət almayıb.
Restoran Covid-19 pandemiyası səbəbindən 2020-ci ilin mart ayında bağlanıb.
BU İllər ərzində Kraliça, Tom Kruz və Riçard Branson da daxil olmaqla, 3 milyondan çox qonağın Kanton mətbəxindən istifadə etdiyi güman edilir.
O, Bond filmi də daxil olmaqla bir neçə filmdə nümayiş etdirilib, lakin, pandemiya patronların biznesinə ölümcül zərbə vurub.
Səyahətdən əvvəl üzən restoranı yoxlamaq üçün, dəniz mühəndisləri işə götürülüb və sahiblərinin dediyinə görə, “bütün müvafiq icazələr” alınıb.
Gəmi adı açıqlanmayan yerdə qalmalı və yeni operatoru gözləməli idi.
Aberdeen Restaurant Enterprises bildirir ki, o, bazar günü Parasel adaları yaxınlığında “əlverişsiz şəraitə düşdükdən” və içinə su dolmağa başladıqdan sonra batıb.
“Hadisə yerində suyun dərinliyi 1000 metrdən çoxdur ki, bu da xilasetmə işlərinin aparılmasını olduqca çətinləşdirir”, – agentlik əlavə edib.
Pandemiya restoran üçün son damla olsa da, illərdir maliyyə problemləri ilə üzləşib.
Operator Melco International Development ötən ay bildirib ki, biznes 2013-cü ildən bəri gəlirli olmayıb və böyük itkilər verib.