Kliçko: “Ukrayna ərazisinin bir hissəsini ruslara vermək kompromis deyil”

Kliçko: “Ukrayna ərazisinin bir hissəsini ruslara vermək kompromis deyil”

Kiyevin meri Vitali Kliçko hesab edir ki, Rusiya ilə sülh danışıqları yalnız rus qoşunları çıxarıldıqdan sonra mümkün olacaq. Şənbə günü BBC müxbiri Nik Beek ilə müsahibədə o, prezident Vladimir Zelenskinin mövqeyini bölüşüb, o da danışıqların bərpası üçün, rus qüvvələrinin fevralın 24-də olduğu  mövqelərə çıxarılmasını əsas şərt adlandırır.

Kliçko iyunun əvvəlində Xarkov vilayətində İzyum yaxınlığında könüllü olaraq öldürülən antikorrupsiya fəalı 24 yaşlı Roman Ratuşnının dəfn mərasimində iştirak edib.

Bəzi Ukrayna rəsmiləri qlobal ərzaq və enerji təchizatı problemləri fonunda Qərb müttəfiqlərinin ölkələrini Rusiya ilə sülh razılaşmasına sövq edə biləcəyindən qorxublar. Kliçkodan bu narahatlıqlardan danışıb: “Ruslar deyirlər ki, gəlin kompromis tapaq, həll yolu tapaq. Bunlar nə danışırlar? Nə kompromis?”, – deyə Kliçko deyib. “Ukrayna ərazisinin bir hissəsini ruslara vermək kompromis deyil”. “Mən əminəm ki, biz ruslarla hansısa kompromis barədə danışmağa hazır olacağıq. Əgər sonuncu rus əsgəri Ukraynanı tərk edərsə, deməli, danışmağın vaxtıdır. Amma hələ ki, yox. Ruslar vətənimizi tərk etməlidir”.

Kiyevin meri və boks üzrə keçmiş dünya çempionu müharibənin həm ruslar, həm də Rusiya üçün faciə olduğunu deyib: “İndi insanlar bunu anlamırlar, amma əminəm ki, onlar reallığı tezliklə dərk edəcəklər. Ruslar ölür – nə uğrunda? Putinin ambisiyaları üçün? “Ukrayna və bütün demokratik ölkələr ətrafında birlik Avropada sülh və azadlığın açarı olacaq”, – deyə Kliçko yekunlaşdırıb.