ŞƏRH: Moldova üçün qalxan və Almaniyada “alovlu müharibə”

Rumıniya Moldovanın qalxanı olmaq qərarına gəldi

Moldovanın müdafiə naziri Buxarestdə rumıniyalı həmkarı ilə Moldova ordusunun yenidən silahlanması məsələsini müzakirə edib. Eyni zamanda, Rumıniya Parlamentinin Deputatlar Palatasının sədri İon-Marsel Çiolaku qeyd edib ki, “Rumıniya Moldova üçün qalxandır və belə də olmalıdır”, – “Nezavisimaya qazeta” yazır.

Öz növbəsində Moldovanın Qaqauziya bölgəsinin nümayəndələri ölkənin hərbiləşdirilməsinə qarşı çıxıblar. Moldova müxalifəti isə, rumıniyalı siyasətçini Moldovanın “bitərəfliyinə, suverenliyinə və müstəqilliyinə çağırdığına” görə qınayıb.

Almaniya “yanğın müharibəsi” ilə hədələyir

Almaniyada siyasətçilərə, milli azlıqların nümayəndələrinə və infrastruktura qarşı sui-qəsd cəhdlərini təbliğ edən sağçı radikal qrupların sayı artır. Onların arasında Alman Yanğın Müharibəsi Diviziyası (Feuerrieg Division Deutschland) var. Bu barədə “Nezavisimaya qazeta” Konstitusiyanın Müdafiəsi üzrə Federal Bürosunun hesabatına istinadən xəbər verir.

Alman əks-kəşfiyyatının hesablamalarına görə, Almaniyada sağ ekstremistlərin sayı 33 900 nəfərdir. Bunlardan 13500-ü zorakılardı. Radikallar sosial şəbəkə çatları vasitəsilə öz ideyalarını fəal şəkildə yayırlar.

Qərb Rusiyanın gəlirlərini azaltmaq istəyirdi

Avropa və ABŞ-da yanacağın rekord qiymət artımı fonunda Qərb siyasətçiləri Rusiyaya qarşı neft embarqosu tətbiq etmək tələsikliyini dərk etməyə başlayıblar. ABŞ-ın maliyyə naziri Janet Yellen Rusiya neftinin tədarükünə qoyulan qadağanı Rusiyanın bu ticarətdən əldə etdiyi gəliri məhdudlaşdırmaqla əvəz etməyi təklif edib.

Ekspertlər qeyd ediblər ki, Qərb ölkələri Rusiyadan neft və qaza rüsumların tətbiqi ideyasını müzakirə edir və bu, Moskvanı qiymətləri aşağı salmağa məcbur edəcək. Eyni zamanda, onlar əmindirlər ki, belə bir ssenarinin həyata keçirilməsində əsas maneə neft axınlarının yenidən bölüşdürülməsinin dinamikası və Rusiyanın bu şərtlərlə razılaşmağa hazır və ya istəməməsi olacaq.

Ukrayna Zaporojye AES-in yoxlanılmasını qadağan edib

Ukrayna Beynəlxalq Atom Enerjisi Agentliyinin (MAQATE) baş direktoru Rafael Qrossidən Rusiyanın nəzarətində olan Zaporojye atom elektrik stansiyasına səfərdən imtina etməyi tələb edib.

Ukraynanın “Enerqoatom” şirkətinin rəhbəri Petr Kotin Qrossini Zaporojye AES-də nüvə silahı istehsalı üçün yararlı olan külli miqdarda materialların toplanması ilə bağlı “Rusiyanın təbliğat hekayəsini yaymaqda” ittiham edib. Eyni zamanda, MAQATE stansiyanın təhlükəsizliyini yoxlamaq üçün, onun yoxlanılmasının zəruriliyində israr edib.

İƏİT analitikləri Dünya Bankı ilə mübahisə ediblər

İqtisadi Əməkdaşlıq və İnkişaf Təşkilatının (İƏİT) analitikləri öz hesabatlarında 2022-ci ildə qlobal ÜDM(Ümumi daxili məhsul) artımının 4,5% əvəzinə cəmi 3% olacağını proqnozlaşdırırlar, lakin onlar əmindirlər ki, 1970-ci illərdəki staqflyasiya qlobal iqtisadiyyatı təhdid etmir.  Qeyd edilir ki, bu proqnoz Dünya Bankının staqflyasiya riski barədə xəbərdarlıq etdiyi məlumatlarla ziddiyyət təşkil edir.

Eyni zamanda, İƏİT hesab edir ki, Aİ Ukrayna böhranı fonunda Rusiyadan enerji təchizatından imtina edərsə, Avropa ölkələri üçün vəziyyət xeyli pisləşə bilər.