SON DƏQİQƏ: “Növbəti Tayvandır və bu, daha ölümcül olacaq”

Britaniyanın “Daily Express” tabloidi yazır ki, Ukraynadakı rus qoşunlarının nəticələri Çini Tayvanda əməliyyat keçirməyə sövq edir. ABŞ prezidenti Co Bayden daha əvvəl demişdi ki, ABŞ Tayvanı qorumaq üçün, lazım gələrsə güc tətbiq etməyə hazırdır; amerikalılar həqiqətən də bu böhrandan uzaqlaşa bilməyəcəklər.

Tayvan, Sakit Okeanın qərbində Çin hökmranlığına təsirli şəkildə mane olan adalar zəncirinin bir hissəsidir. Tayvan yıxılsa, Çin ABŞ-ı itələyərək güclü şəkildə irəliləyəcək. Bundan əlavə, “Amerikanın beynəlxalq ticarət üçün dəniz zolaqlarının təminatçısı kimi rolu – dolların hökmranlığının əsas səbəblərindən biri – sarsıla bilər”.

ABŞ və Tayvan əməkdaşlığı gücləndirmək üçün, danışıqları elan etməyi planlaşdırır. Onlar ticarət prosedurlarının asanlaşdırılması, təchizat zəncirləri və kənd təsərrüfatı məhsullarının ticarəti barədə razılığa gələ bilərlər. Bu barədə mənbələrə istinadən Bloomberg məlumat yayıb.

Mümkün razılaşmanın şərtləri bu həftənin əvvəlində ABŞ prezidenti Co Baydenin elan etdiyi Asiya-Sakit Okean regionunda iqtisadi əməkdaşlıq üzrə çərçivə sazişinə yaxındır. Agentliyin məlumatına görə, əvvəlcə Tayvanın müqaviləyə daxil edilməsi nəzərdə tutulurdu, lakin bir sıra ölkələr Çinin reaksiyasından qorxaraq buna qarşı çıxıblar.