Hindistanda fahişəlik bir peşə kimi tanınıb və işçiləri zorakılıqdan qorumağa çağırılırıb

“The Asian Age” nəşri xəbər verir ki, Hindistanın Ali Məhkəməsi fahişəliyi peşə elan edib və seks işçilərini sui-istifadədən qorumaq qərarına gəlib. Hakimlər kollegiyası, seks işçilərinin də Konstitusiyaya uyğun olaraq, digər insanlar kimi yaşamaq və ləyaqət hüququna malik olması barədə qərar çıxarıb.

Hakimlər qeyd ediblər ki, seks işçiləri sosial stiqmanın ən ağır yükünü daşıyırlar, cəmiyyət tərəfindən nifrət edilir, həmçinin polis zorakılığı ilə üzləşirlər.

Onlar polis əməkdaşlarına seks işçilərinin hüquqlarını xatırlamağı, onları mənəvi və fiziki zorakılığa məruz qoymamağı, hər hansı cinsi fəaliyyətə məcbur etməməyi tapşırıblar. Hakimlər qeyd ediblər ki, yetkinlik yaşına çatmış  razılıq əsasında cinsi əlaqəyə girərsə, polis cinayət işi açmamalıdır.

Üstəlik, polis onların cinayət və ya hər hansı digər cinayətlə bağlı şikayətlərinə baxmalıdı. Məhkəmə bildirib ki, cinsi təcavüzə məruz qalan hər hansı bir seks işçisi dərhal tibbi yardım almalıdır.

Eyni zamanda kollegiya bildirib ki, heç kim uşaqları anasından sırf fahişəliklə məşğul olduğuna görə, ayıra bilməz. Bu qayda azyaşlının seks işçiləri arasında, əxlaqsızlıq yuvasında yaşasa da, lakin onların fəaliyyətinə cəlb olunmasa tətbiq edilməməli.

Məhkəmə mediaya həbslər, reydlər və xilasetmələr zamanı qurbanların və ya seks işçiləri ilə bağlı təqsirləndirilən şəxslərin kimliyini açıqlamamağı tapşırıb. Media Şurası televiziya kanallarında seks işçilərinin kimliyini üzə çıxaran hər hansı fotoşəkilin nümayişini qadağan etməlidir.

Hindistanda fahişəlik qanunidir. Bununla belə, 1956-cı ildə qəbul edilmiş qanun uşaq fahişəliyini, alverçiliyi, vasitəçiliyi, və fahişəxana sahibliyini qadağan edirdi. Hindistanda seks işçilərinin sayı, müxtəlif mənbələrə görə, bir milyon nəfərə çata bilər. Feminist qeyri-hökumət təşkilatı “Sanlaap” peşə seçiminin əsas səbəbi kimi uşaqların yaşaması və saxlanması üçün pulun olmamasını göstərib.