SON DƏQİQƏ: Əfqanıstanda çadra tələbi də ekrana gətirildi – FOTO
Taliban Əfqanıstanda hakimiyyəti ələ keçirdikdən sonra qadınlara qoyulan qadağalar günü-gündən artır. Qadınlara üzlərini örtməyə məcbur edən “Taliban” televiziya aparıcılarının ekrana örtüklə çıxmasını da məcbur edib. Həftə ərzində media qurumlarına çatdırılan fərmanın qüvvəyə minməsi ilə əfqan qadın diktorlar verilişlərdə hicab taxmalı olublar. Əfqan müxbirlərin tətbiqin onları çox narahat etdiyini söyləsələr də, tətbiq sosial mediada da tənqidlərlə üzləşib.
2021-ci ilin avqustundan hakimiyyətdə olan Taliban bütün qadın media mənsublarının üzlərini örtməsini məcburi edib.
Əfqanıstanın TOLOnews telekanalı Twitter hesabında paylaşdığı xəbərdə təlimatın bütün televiziya kanallarına göndərildiyini bildirib. Xəbərə görə, qərarla bağlı “Fərziyyatın Yayılması və Əxlaqsızlığın Qarşısının Alınması Nazirliyi” və “İnformasiya və Mədəniyyət Nazirliyi”nin nümayəndələri telekanalın tabe olduğu Moby Media Qrupuna məlumat veriblər. Nazirlik nümayəndələri qərarın “yekun” olduğunu və “müzakirəyə açıq olmadığını” bildiriblər.
Almaniyanın dpa xəbər agentliyinə danışan televiziya prodüserinin verdiyi məlumata görə, təlimata əsasən, “qadın aparıcıların yalnız gözlərinin görünməsinə icazə verilir”. Başqa bir prodüser, “Bizə dedilər ki, vizual mediada çalışan bütün qadın işçilər üzlərini gizlətmək üçün maska taxmalıdırlar. Bu, mənim bugünkü son ultimatumum idi. Bəzi media qurumları bu gündən tətbiqə başlayacaq, bəziləri isə sabahdan etibarən bunu edəcək”. Taliban yeni media tənzimləməsi ilə bağlı ictimaiyyətə açıqlama verməyib.
Mayın 7-də Taliban qadınlara ictimai yerlərdə bütün bədənlərini örtmək öhdəliyi qoyub. Taliban lideri Hibetullah Axundzadənin imzaladığı fərmanda qadınlardan ictimai yerlərdə üzlərini və bədənlərini, ideal olaraq ənənəvi burka ilə örtmələri istənilib
Əfqanıstanda mart ayında BBC və Deutsche Welle də daxil olmaqla ölkə xaricindəki bütün vizual media yayımları və işçilərinin geyimlərinə nəzarət etmək imkanlarının olmadığı səbəbilə qadağan edildi.