Şimali Koreyada bir sutkada qızdırma əlamətləri olan 400.000-dən çox hadisə qeydə alınıb

0

Koreya Mərkəzi Xəbər Agentliyinin (KMXA) məlumatına görə, son 24 saat ərzində Şimali Koreyada qızdırma əlamətləri olan 402 900 nəfər müəyyən edilib. “CentralAsia” yazır ki, aprelin sonundan mayın 15-dək yoluxma hallarının ümumi sayı 1,2 milyon olub.

Gün ərzində 152 min nəfər sağalıb, 8 nəfər ölüb. Ölənlərin ümumi sayı 50 nəfər olub.

Aprelin sonundan ölkədə “tanınmayan qızdırma” yayılmağa başlayıb. Şimali Koreya lideri Kim Çen In bunu KXDR-in yaranmasından bəri ən böyük şok adlandırıb. Mayın 16-da o, ölkədəki apteklərin gücləndirilmiş iş rejimində işləməyə hazır olmadığını bildirib və dərman təminatının təşkili üçün hərbçilərin səfərbər olunmasını əmr edib.

KXDR rəhbəri həmçinin nazirləri və səhiyyə təşkilatlarını tənqid edib və məmurları işlərinə məsuliyyətsizlikdə və epidemiya ilə mübarizəni zəif təşkil etməkdə ittiham edib.

Mayın 12-də Şimali Koreya rəsmiləri Şimali Koreyada ilk koronavirusa yoluxma halını rəsmi olaraq elan ediblər. Kim Çen In Siyasi Büronun iclası zamanı infeksiyanın yayılmasının bütün yollarını dayandırmağa və sərhəd nəzarətini gücləndirməyə çağırıb.

Koreya, Pxenyan bununla razılaşarsa, KXDR-i koronavirusun yayılması ilə mübarizə üçün peyvəndlər, tibbi avadanlıq və tibb işçiləri ilə təmin etməyə hazır olduğunu açıqlayıb.

 28 baxış

Leave A Reply

Your email address will not be published.

Tərcümə »