Kreml: Finlandiyanın NATO-ya üzvlüyü Rusiya üçün təhlükədir

NATO-nun növbəti genişlənməsi qitəmizi daha sabit və təhlükəsiz etmir – Peskov

Finlandiyanın NATO-ya daxil olması Rusiyanı təhdid edəcək. “İnterfaks” xəbər verir ki, bunu Rusiya Federasiyası prezidentinin mətbuat katibi Dmitri Peskov deyib.

Peskov bununla bağlı sualı cavablandırarkən jurnalistlərə “Tamamilə” deyib. “NATO-nun növbəti genişlənməsi bizim qitəmizi daha sabit və təhlükəsiz etmir”, – Kreml sözçüsü izah edib.

O, həmçinin Ukraynadakı “xüsusi əməliyyata” reaksiya olaraq, Kremlin digər qonşu ölkələrin NATO-ya qoşulma risklərini hesablayıb-hesablamadığını soruşub. “Müxtəlif variantlar həmişə nəzərdən keçirilir və təhlil edilir”, – Peskov əmin edib.

Daha əvvəl cümə axşamı məlum olub ki, Finlandiya prezidenti Sauli Niinistö və baş nazir Sanna Marin ölkənin dərhal NATO-ya üzvlüyünə çağırıblar.

“Finlandiya dərhal NATO-ya üzvlük üçün müraciət etməlidir”, – ölkənin prezidenti və baş nazirinin yaydığı bəyanatda deyilir.

Onlar həmçinin yaxın bir neçə gün ərzində Alyansa qoşulmaq üçün, milli səviyyədə addımların atılacağına ümid etdiklərini bildiriblər.