Mafiyaya müharibə elan edən prokuror bal ayında öldürülüb

Ölkəsində mütəşəkkil cinayətkarlığa qarşı mübarizəsi ilə tanınan Paraqvay prokuroru Marselo Peççi Kolumbiyada bal ayı zamanı silahlı hücuma məruz qalıb.

Paraqvayda mütəşəkkil cinayətkarlıq, narkotik vasitələrin qanunsuz dövriyyəsi, çirkli pulların yuyulması və terrorçuluğun maliyyələşdirilməsi ilə mübarizədə ixtisaslaşmış prokuror vəzifəsində çalışan Marselo Peççi bal ayı zamanı Kolumbiyanın Baru adasında güllələnib.

Prokuror Peççi hadisə yerində ölüb, həyat yoldaşı Klaudiya Aqilera isə hücum zamanı xəsarət almayıb. Sahildə iki nəfərin onlara yaxınlaşdığını deyən Aguilera, “İki nəfər reaktiv sürətlə gələrək Marseloya hücum etdi və heç bir söz demədən, Marselonu iki dəfə vurdu, biri üzünə, digəri isə arxadan”. Hücum edənlər yoxa çıxarkən, hadisə ilə bağlı geniş miqyaslı araşdırma başladılıb.

Kolumbiyanın Milli Polis direktoru Xorxe Luis Varqas verdiyi açıqlamada ABŞ rəsmilərinin də istintaqa köməklik göstərəcəyini bildirib.

Paraqvay prezidenti Mario Abdo Benites hücumu “qorxaqcasına qətl” kimi qiymətləndirərək deyib: “Biz bu faciəli hadisəni ən kəskin şəkildə pisləyir və mütəşəkkil cinayətkarlıqla mübarizəyə sadiqliyimizi bir daha təsdiqləyirik”.

Cütlüyün qaldığı “Decameron” otelindən verilən açıqlamada “Qatillər çimərliyə gələrək qonaqlarımızdan birinə hücum edərək öldürdülər” deyilir.

Prokuror Pecci hücumdan saatlar əvvəl İnstaqram hesabında paylaşdığı paylaşımda həyat yoldaşının hamilə olduğunu açıqlayıb.