Nissan 2030-cu ilə qədər, toqquşmalardan yeni yayınma texnologiyası qurmağı planlaşdırır – FOTO

Nissan Motor Co. bazar ertəsi bildirib ki, o, 2030-cu maliyyə ilinə qədər yeni avtomobil modellərini sürücüyə yardım texnologiyası ilə təchiz etmək niyyətindədir ki, bu da avtomobilin ətrafı haqqında real vaxt məlumatından istifadə etməklə, toqquşmaların qarşısının alınmasını xeyli yaxşılaşdıracaq.

Yapon avtomobil istehsalçısı hələ 2030-ci illərin ortalarından  obyektlərin formasını və məsafəsini dəqiq müəyyən etmək və hətta mürəkkəb qəza vəziyyətlərində belə toqquşmadan yayınmaq üçün əməliyyatları avtomatik yerinə yetirmək, sensorlardan istifadə edən yeni texnologiyanın hazırlanmasını başa çatdırmağı planlaşdırır.

Onlayn brifinq zamanı təqdim olunan bir neçə nümayişin videosunda sınaq avtomobili toqquşmaq üzrə olan avtomobillə toqquşmadan avtomatik olaraq qaçıb və qəfil yolu keçən fiqurun qarşısında dayanıb.

“Biz inanırıq ki, müasir sürücülük yardımı texnologiyaları qəza ssenarilərinin təxminən 30 faizini əhatə edə bilər. Düşünürəm ki, bu avtomatlaşdırılmış fövqəladə hallara cavab texnologiyası ilə biz onların 90 faizindən çoxuna çata bilərik”, – baş vitse-prezident Takao Asami bildirib.

Nissan şirkətinin məlumatına görə, bu texnologiya ilə avtomobil yüksək performanslı lidar sensoru, eləcə də kameralar və radar tərəfindən toplanan məlumatları birləşdirdikdən sonra, 300 metrə qədər maneələri aşkar edə və zolaqların dəyişdirilməsi kimi fövqəladə manevrlər edə bilər.

Qeyd edək ki, toqquşmaların qarşısını almaq üçün, köməkçi nəqliyyat vasitələri və avtonom idarəetmə texnologiyaları hazırlayan avtomobil istehsalçıları arasında rəqabət güclənir.

Nissan-ın daxili rəqibi Honda Motor Co., 2030-ci illərin ikinci yarısında öz avtomobillərini texnologiya ilə təchiz etməyi qarşısına məqsəd qoyaraq, sürücüləri qaçılmaz yol təhlükələri barədə xəbərdar etmək və onlara insan səbəbli qəzalardan qaçmağa kömək etmək üçün, süni intellekti inteqrasiya edir.