Müdafiə Nazirliyi: Rusiya bütün dünya ilə müharibə aparır

General bildirib ki, Rusiya Böyük Vətən müharibəsində olduğu kimi, bütün dünya ilə müharibə aparır

Hazırda Rusiya Böyük Vətən Müharibəsində olduğu kimi, bütün dünya ilə müharibə aparır. Telegram-da “Moskva danışan” radiostansiyasının məlumatına görə, bunu Mərkəzi Hərbi Dairə (MHD) komandanının müavini, general-mayor Rüstəm Minnekaev deyib.

Onun sözlərinə görə, xüsusi əməliyyatın ikinci mərhələsinin tapşırıqlarından biri olan Ukraynanın cənubuna nəzarət, Dnestryanıya daha bir çıxışdır ki, burada da rusdilli əhalinin sıxışdırılması faktları mövcuddur.

“Görünür, biz indi bütün dünya ilə müharibə vəziyyətindəyik, Böyük Vətən Müharibəsində olduğu kimi, bütün Avropa, bütün dünya bizə qarşıdı. İndi də belədir, onlar heç vaxt Rusiyanı sevməyiblər”, – Minnekaev vurğulayıb.

Bundan əvvəl o, Rusiya ordusunun xüsusi əməliyyatın ikinci mərhələsi zamanı Donbas və Ukraynanın cənubuna tam nəzarəti qurmaq, həmçinin Krıma dəhliz vermək niyyətində olduğunu bildirib. Minnekaev əlavə edib ki, ikinci mərhələ sözün əsl mənasında iki gün əvvəl başlayıb.