Ekspert: Artsaxdan “qurtulmaqla” Ermənistan daha da ciddi başağrısı ilə üzləşəcək
Problemlərimizin həlli üçün zəruri, lakin yetərli olmayan şərt mövcud hakimiyyətin getməsidir. Bunu Ermənistan mediyasına müsahibəsində politoloq Suren Zolyan deyib.
Bununla belə, ekspertin fikrincə, əsas təhlükə hakimiyyətin bəyanatlarında deyil, Ermənistan hakimiyyətinin etibarlı tərəfdaş olmamasında və bunun Artsax üçün nəticələri ilə bağlıdır.
“Mən əsas təhlükəni bunda görürəm və hakimiyyət dəyişikliyinə əsas ehtiyacı da bunda görürəm.
Bu gün Qarabağ məsələsinə ayrıca bir məsələ, həm Ermənistan cəmiyyəti, həm də beynəlxalq oyunçular üçün etibarlı liderin hakimiyyətə gəlməsi məsələsi əlavə edilir.
Ermənistanın indiki hakimiyyətini Qarabağ məsələsinin necə həll edəcəyi maraqlandırmır, sadəcə olaraq bu başağrısından qurtulmaq lazımdır. Ancaq başa düşməlisiniz ki, bu vəziyyətdə daha da ciddi bir baş ağrısı ilə qarşılaşmalı olacaqsınız. Bu indi baş verir.
Ermənistan hakimiyyəti dünən dedi ki, Artsax Ermənistandır, vəssalam, bu gün isə status məsələsində barın aşağı salındığını elan edərək Artsaxdan imtina edirlər. Üstəlik, hakimiyyət Azərbaycanın irəli sürdüyü beş bəndin məqbul olmasından danışır, orada Artsax haqqında bir kəlmə belə yoxdur. Yaxşı bir şeyə səbəb olmayacaq.
Bakı hesab edir ki, Qarabağ münaqişəsi Ermənistanla münasibətlərdən ayrılaraq həll olunub. Ancaq bu, ER hakimiyyətini arxayın etməməlidir, çünki belə bir konfiqurasiya yeni problemlər yaradacaq. Növbəti məsələlər anklavlar, qaçqınların qaytarılması və dəhliz olacaq”, – Zolyan bildirib.
O, siyasi elitanın nə respublika daxilində, nə də xaricdə etimad yaratmadığını, özünü doğrultmadığı, Artsaxdakı dəyişiklikləri də az əhəmiyyətli adlandırıb.
“Niyə Artsax hakimiyyəti Donbassdan 44 günlük müharibəyə gəlməyə hazır olduqlarını bildirən könüllülərdən imtina etdi? ”, – deyə politoloq soruşub.