İrana silah embarqosunu pozmaqda ittiham olunan Türkiyə vətəndaşı ABŞ-a göndərilib

İspaniya Ali Məhkəməsi raket istehsalı üçün istifadə oluna bilən avadanlıqları qaçaqmalçılıq yolu ilə İrana keçirməklə silah embarqosunu pozmaqda şübhəli bilinən Türkiyə vətəndaşının ABŞ-a göndərilməsinə qərar verib.

Dünən yayılan məhkəmə sənədlərində Ali Məhkəmənin ekstradisiya qərarı da yer alıb.

İspaniya polisi Murat Bukey adlı Türkiyə vətəndaşını sentyabr ayında ABŞ prokurorlarının tələbi ilə Barselona hava limanında saxlayıb.

Məhkəmə qərarında bildirilirdi ki, ABŞ prokurorları Bukey-nin 2012 və 2013-cü illərdə ballistik raketlər üçün enerji mənbəyi kimi istifadə oluna biləcək avadanlıqları ABŞ-dan idxal edib İrana satmasından şübhələnirlər.

Bu illərdə Birləşmiş Millətlər Təşkilatının (BMT) İrana qarşı tətbiq etdiyi, raket texnologiyaları və hissələrinin idxalını qadağan edən silah embarqosu qüvvədə idi. Embarqonun müddəti 2020-ci ildə başa çatıb, lakin ABŞ-ın İrana qarşı iqtisadi sanksiyaları davam edir.

Məhkəmə qeyd edib ki, Bukey “materialın İrana ixrac edilmədiyi barədə yanlış məlumat verib”.

İclasda Bukeyin vəkilləri ittihamların vaxtaşırı olduğunu və Bukeyin bu hərəkətləri həyata keçirərkən ABŞ-da deyil, Türkiyədə olduğunu bildiriblər.

Ancaq vəkillərdən biri Llorenc Caldentey Morey bildirib ki, Bukey qərardan şikayət etməyəcək.

Bukey ABŞ-a transferi İspaniya hökuməti tərəfindən təsdiqlənənə qədər həbsdə qalacaq.