Elon Maskın şirkəti Twitter-dən satın almasının qarşısını almaq üçün atılan addım – FOTO
Sosial media şirkəti Twitter, Tesla və SpaceX-in baş direktoru İlon Maskın şirkəti satın almasının qarşısını almaq üçün, məhdud müddətli səhmdar hüquqları planı ilə razılaşdı.
Elon Musk Twitter-i bir səhm üçün 54,2 dollara almağı təklif etdikdən sonra, Twitter “zəhərli həb” adlı bir tədbir görüb.
Twitter-də edilən açıqlamada şirkətin idarə heyətinin məhdud müddətli səhmdar hüquqları planını yekdilliklə təsdiqlədiyi bildirilib.
Açıqlamada, idarə heyətinin Twitter-i almaq üçün tələb olunmayan, məcburi olmayan təklifdən sonra, planı təsdiqlədiyi bildirilib.
Bildirilir ki, sözügedən tədbir potensial alıcılardan başqa mövcud səhmdarların şirkətdə daha ucuz qiymətə daha çox səhm almaq hüququnu qoruyur.
Qeyd edilir ki, Mask və ya başqa bir investor şirkətin səhmlərinin 15 faizindən çoxunu alarsa, plan işə düşəcək.
Bildirilir ki, Twitter İdarə Heyəti tərəfindən görülən bu tədbir Maskın alış cəhdini dayandıra bilməz, lakin alışı daha da bahalaşdıra və ya Maskı danışıqlar masasına oturmağa məcbur edə bilər.
Daha əvvəl Twitter-də 9,2 faiz pay alan Mask ABŞ Qiymətli Kağızlar və Birja Komissiyasına (SEC) verdiyi açıqlamada bütün Twitter üçün hər bir səhm üçün 54,2 dollar təklif etmişdi.
Twitter-in İdarə Heyətinin sədri Bret Taylor-a yazdığı məktubda Musk, Twitter-dən bir pay aldığı üçün şirkətin indiki formada inkişaf etməyəcəyini anladığını və Twitter-in özəl bir şirkət olaraq çevrilməsi lazım olduğunu bildirib.
Twitter-dən aktiv şəkildə istifadə edən Maskın platformada 80 milyondan çox izləyicisi var. Maskın cari aktivlərinin 260 milyard dollardan çox olduğu bildirilir.
Digər tərəfdən, aprelin 11-də Twitter-in CEO-su Paraq Aqraval şirkətdən səhm alan İlon Maskın daha əvvəl elan etdiyi Twitter İdarə Heyətində olmayacağını açıqlamışdı.
Bu arada Twitter-in keçmiş səhmdarları şirkət səhmlərinin alınmasında qanunu pozduğuna görə Maska qarşı Nyu York əyalət məhkəməsinə şikayət verib. Səhmdarlar Maskın Twitter-in səhmlərinin alınmasını gecikdirdiyini, sosial media şirkətinin səhmlərinin artmasının qarşısını aldığını və bununla da bəzi keçmiş səhmdarlara zərər verdiyini bildiriblər.