“Arvadımın adını lənətə gəlmiş ağzından uzaq tut.” Oskar mükafatlandırılmasında dava -VİDEO

Uill Smit “Oskar” mükafatlandırma mərasimi zamanı, aktyorun həyat yoldaşı Jada Pinkett Smithlə bağlı zarafatına görə komediya ustası Kris Rokunin üzünə yumruq atıb. Hadisənin videosunu Guardian News YouTube kanalı yayıb.

Pinkett Smith ilk dəfə 2018-ci ildə saç tökülməsi ilə mübarizəsi haqqında danışıb. O qeyd edib ki, duşda saçları “ovuc-ovuc” tökülməyə başlayanda alopesiyadan şübhələnib.

“Mən dedim ki,” Aman Tanrım, keçəlləşəcəyəm? Bu, həyatımda sözün əsl mənasında qorxudan titrədiyim anlardan biri idi. Buna görə də saçlarımı kəsdim və kəsməyə davam edirəm” dedi.

Oskar mərasimi zamanı mərasimin aparıcısı Kris Rok Uill Smitin mümkün qələbəsi, daha sonra isə, həyat yoldaşı haqqında zarafat etməyə başlayıb.

“Jada, mən G.I.Jane-in (keçəl Demi Murun rol aldığı film) ikinci hissəsini səbirsizliklə gözləyirəm”  komediyaçı deyib.

Bundan sonra Smit səhnəyə çıxaraq, Roka yumruq atıb. Zala qayıdaraq qışqırıb:

“Arvadımın adını lənətə gəlmiş ağzından uzaq tut.”

Smit daha sonra, Ən Yaxşı Aktyor nominasiyasında Oskar qazanıb. O, çıxışında kino akademiyasından və namizəd yoldaşlarından üzr istəyib.