SON DƏQİQƏ: Kreml NATO-nun Ukraynadakı vəziyyətə müdaxiləsi halında reaksiyanı açıqlayıb

Peskov bildirib ki, Rusiya Ukraynadakı vəziyyətə müdaxilə cəhdlərinə mənfi reaksiya verəcək.

NATO ölkələrindən biri Ukraynadakı vəziyyətə müdaxilə etməyə çalışarsa, Rusiya mənfi reaksiya verəcək.

İctimairey.az  xəbər verir ki, bu barədə Kremlin rəsmi nümayəndəsi Dmitri Peskov bildirib.

Onun sözlərinə görə, Rusiya prezidenti Vladimir Putin vətəndaşlara və bütün dünyaya müraciətində məhz bunu deyib.

“Sadəcə onu yenidən oxumaq kifayətdir, xüsusən də onun, xüsusi hərbi əməliyyatın gedişatına kiminsə xaricdən müdaxilə etmək qərarına gəlməsinin fərziyyə ehtimalından danışdığı anı.”, – sözçü, BMT Təhlükəsizlik Şurasının qərarından yan keçərək, Ukrayna ərazisində sülhməramlı əməliyyatın mümkünlüyü ilə bağlı sualı cavablandırarkən açıqlayıb.

Peskov vurğulayıb ki, dövlət başçısının bu çıxışında hər şey son dərəcə əlçatan və başa düşüləndir.

Bu gün, martın 21-də məlum olub ki, ABŞ prezidenti Co Bayden telefon danışıqları zamanı Fransa lideri Emmanuel Makron, Almaniya kansleri Olaf Şolz, həmçinin İtaliya və Böyük Britaniyanın baş nazirləri Mario Draqi və Boris Conson ilə Ukraynadakı vəziyyəti müzakirə edəcək. Ehtimal olunur ki, müzakirə mövzusu Rusiyanın Ukraynada keçirdiyi xüsusi əməliyyata “koordinasiya edilmiş cavab addımları” olacaq.