Sağlamlıq “Xalq təbabəti”: Meyvə quruları ilə müalicə

Şirniyyat sevən insanlar üçün arıqlamaq əsl problemdir. Amma qeyd edək ki, pəhriz zamanı bir çox vitaminlər bədənə daxil olmur. Amma polivitamin qəbul edib, enerji toplayib, eyni zamanda əsl ləzzəti dadmaq üçün, quru meyvələrdən yaxşı vasitə ola bilməz. Onların tərkibində olan kalsium, dəmir, natrium, maqnezium, B6 vitamini və pektin maddələri bədənin dayağıdır. Meyvə quruları mədə-bağısaq sistemini tənzimləyib qəbizliyi aradan qaldırır.

Meyvə quruları ilə müalicə

Kişmişin tərkibində çoxlu bor maddəsi var, bu da osteoporozun qarşısını alır, kalsium isə dırnaq və saçları bərkidir. Dəmir baxımından zəngindir, bu səbəblə qansızlığa yaxşı təsir göstərir. Kişmişin tərkibində saçların uzanması üçün vacib vitaminlər vardir və kişmiş qocalmanın qarşısını alır.

Qara gavali B qrup vitaminlərini özündə cəmləşdirib orqanizmi stress hallarına qarşı dözümlü edir. Qara gavalı qurusunu dəmləyib içdikdə mədə qicqirmasından, qəbizlikdən yaxa qurtarmaq olar

Xurmanın tərkibinə bütün vitaminlər daxil olduğu üçün müalicəvi xüsusiyyətinə görə aspirini əvəz edir. Bədənə qüvvət verir və baş ağrısını müalicə edir. Xurma qadınlara hamiləlik doğuş və uşaq əmizdirmə zamanı cox faydalıdır. Xurma doğuşu asanlaşdırır orqanizmin süd hasil etməsinə yardımçı olur.

Armud orqanizmdən toksinləri xaric edir. Bağırsağın fəaliyyətini tənzimləyir. Qurudulmuş armudun tərkibində çoxlu sayda vitaminlər, mikroelementler, şəkər, yod vardir.

Əncir xərçəng hüceyrələrinin inkişafına mane olur. Həzm sistemini normallaşdırır. Bronxiti müalicə edib, bağırsaq parazitlərini məhv edir. Gün ərzində 7 ədəd qurudulmuş əncir yeməklə baş ağrısından yaxa qurtarmaq olar.

Xurmanın faydasına görə olduqca zəngin bir meyvədir. Dadlı olmaqla yanaşı sağlamlıq üçün də müsbət təsiri vardır. Təkcə Ramazan ayında deyil bütün aylarda xurma yemək lazımdır. Tədqiqatlara görə, gün ərzində iki ədəd xurma yeməyin böyük faydası var. Ramazan ayında da ondan sonrakı aylarda da xurma yeyərək həm dadından zövq alın, həm də şəfa tapın.

Tərkibindəki antioksidant, vitamin və minerallara görə xərçəngə qarşı güclü müdafiyə yaratmış olur. Beləliklə, hər gün iki ədəd xurma yeyən şəxsin xərçəng xəstəliyində tutulma riski qat-qat azalmış olur.

Hamiləlik zamanı xurma yemək doğumu asanlaşdırır və bəzi deyimlərə görə doğumu tezləşdirir. Əlbəttə ki, xurmanı məhz faydasına və dadına görə yeyərək hamiləlik boyunca onun vitamin və minerallarından faydalana bilərsiniz.

Hamiləlik boyunca dadından faydalandığınız xurmadan doğumdan sonra da yararlana bilərsiniz. Axı xurma süd artırma təsirinə malikdir. Ana südünün tərkibini də zənginləşdirir. Eyni zamanda doğum yaralarının daha tez sağalmasına kömək edir.

Xurma qanda şəkərin miqdarını tənzimləyir və bu vəziyyətdə qalmasına köməkçi olur.

Ürək-damar və təzyiq xəstələrinin natriuma olan bir günlük ehtiyacını məhz xurma qarşıladığı üçün əvəzsizdir.

Xurma allergiyalı şəxslərə, xüsusən də allergiyanın təsirindən yaranan göz və burun problemlərində xüsusi faydaya sahibdir.

Adətən pəhriz saxlayan şəxslər üçün mədəni tox tutmaq çətin olur. Məhz xurma yeyərək özünüzü tox hiss edəcəksiniz və beləliklə, artıq çəkilərinizdən sağlam şəkildə azad olacaqsınız.