SON XƏBƏR: Roskomnadzor Azərbaycan saytlarına girişi bloklayıb

Rabitə, İnformasiya Texnologiyaları və Kütləvi Kommunikasiyalara Nəzarət Federal Xidməti (Roskomnadzor) bir gün əvvəl, martın 16-da Rusiyada Azərbaycanın “Haqqin” informasiya-analitik portalına girişi bloklayıb.

İctimaiRəy.az –Roskomnadzor haqqin.az saytının bloklanması qərarını federal qanunvericiliklə əsaslandırıb, ona görə, resursda iğtişaşlara, ekstremizmə çağırış edən məlumatlar, habelə “etibarlı” adı altında təkrarlanan etibarsız məlumatların yayılması ilə bağlı məlumat varsa, ona giriş məhdudlaşdırılır.

Roskomnadzor Rusiya Federasiyası Baş Prokurorluğunun müraciəti əsasında Azərbaycanın internet nəşrinin bloklanması barədə qərar qəbul edib.

Martın 17-də səhər saatlarında Azərbaycanın Minval.az saytı da Rusiyada bloklanıb.

Mediya xəbər verir ki, Roskomnadzor çərşənbə günü ondan çox xarici xəbər saytına, o cümlədən iki İsrail informasiya və analitik portalına girişi bloklayıb.

Qeyd edək ki, Rusiya fevralın 24-də Ukraynanın demilitarizasiyası və denazifikasiyası üçün, xüsusi hərbi əməliyyata başladıqdan sonra, Azərbaycan və İsrailin bəzi KİV-ləri, o cümlədən bu ölkələrdəki rusdilli nəşrlər Moskvaya qarşı açıq qərəzli mövqe nümayiş etdirib.