SON DƏQİQƏ: NATO-nun 50 hərbi gəmisi Rusiya sərhədlərinə doğru hərəkət edib- FOTO

NATO Rusiya sərhədlərinə 50 hərbi gəmi göndərib.

Bu səhər Rusiya sərhədləri yaxınlığında NATO-ya üzv ölkələrin dəniz qruplaşmasının yüksək fəallığı müşahidə edilib. Məlum olduğu kimi, hazırda Rusiya sərhədləri yaxınlığında 50-yə yaxın müxtəlif təyinatlı döyüş gəmisi yerləşdirilir ki, bu da NATO ilə Rusiya arasında mövcud münasibətləri nəzərə alsaq, alyansın həqiqətən də təlimlər keçirməklə məşğul olacağına bir sıra şübhələr yaradır.

Hazırda məlumdur ki, söhbət Şimali Atlantika Alyansının daha əvvəl elan etdiyi genişmiqyaslı “Soyuq cavab 2022” təlimlərinin keçirilməsindən gedir. Buna baxmayaraq, NATO-nun bir sıra təhdidlərindən və düşməncəsinə hərəkətlərindən sonra, hərbi blokun bu cür hərəkətləri təxribat, o cümlədən Rusiyanın diqqətini yayındırmaq məqsədi ilə də qiymətləndirilə bilər.

“NATO-nun bu il ən böyük təlimi olan “Soyuq Cavab 2022” təlimində 27 ölkədən 30 minə yaxın əsgər, 200 təyyarə və 50 gəmi iştirak edəcək.

Martın 14-də başlayan manevrlər Qərb ölkələrinə Norveçin soyuq iqlimində, o cümlədən Arktikada, quruda, dənizdə və səmada döyüş bacarıqlarını təkmilləşdirməyə imkan verəcək. Təlimlər Rusiya sərhədindən cəmi bir neçə yüz kilometr aralıda keçiriləcək. “Bu təlimlər Norveç və onun müttəfiqlərinin təhlükəsizliyi üçün son dərəcə vacibdir. Biz Norveçin müttəfiqlərinin gücləndirilməsini hazırlayacağıq” Norveçin müdafiə naziri Odd Rocer Enoksen bildirib. “Təlim Ukraynadakı vəziyyətə görə keçirilmir, lakin bu fonda onun əhəmiyyəti artıb”, o, əlavə edib.

Hazırda ölkənin müdafiə departamentinin NATO-nun Rusiya sərhədləri yaxınlığındakı təlimlərinə necə reaksiya verəcəyi məlum deyil, lakin çox güman ki, Alyansın hərəkətləri diqqətlə izləniləcək, təxribatların qarşısı alınacaq.