SON DƏQİQƏ: Lvov yaxınlığında düşmən Yavoriv poliqonuna hava zərbəsi endirib

İlkin məlumatlara görə, düşmən 8 raket atıb.

Lvov yaxınlığında düşmən Beynəlxalq Sülhməramlı və Təhlükəsizlik Mərkəzinə (Yavorovski hərbi poliqonu) hava zərbəsi endirib.

İlkin məlumata görə, səkkiz raket atılıb, Lvov vilayət hərbi administrasiyasının rəhbəri Maksim Kozitski bildirib.

Onun sözlərinə görə, aviazərbənin qurbanları ilə bağlı məlumatlar müəyyənləşdirilir.

“İşğalçılar beynəlxalq sülhməramlılar və təhlükəsizlik mərkəzinə aviazərbələr endiriblər. İlkin məlumata görə, onlar səkkiz raket atıblar…”, – rəsmi qeyd edib.

Rusiya Daxili İşlər Nazirliyi rəhbərinin müşaviri Vadim Denisenko telemarafon zamanı bildirib ki, Yavoriv poliqonuna zərbə endirməklə ruslar Ukraynada sakit və təhlükəsiz nöqtənin olmadığını göstərməyə çalışırlar.

Bundan əvvəl Lvovda hava həyəcanı elan edildiyi bildirilib. Şəbəkə bildirib ki, rayon mərkəzində iki güclü partlayış səsi eşidilib.

Yerli deputat İqor Zinkeviç yazıb ki, partlayışlar Ukrayna hava hücumundan müdafiə sisteminin Rusiya raketləri üzərində işinin nəticəsidir.

Lvov vilayətində partlayışlar Rusiyanın Ukraynaya hücumundan sonra, ilk dəfə səslənib.

Xatırladaq ki, fevralın 24-də səhər tezdən rus qoşunları Ukraynaya soxulub.

Düşmən əvvəlcə hərbi obyektləri bombalayıb, sonra isə dinc yaşayış məntəqələrinə, xüsusən Kiyev, Çerniqov, Mariupol, Xarkov, Xerson və Jitomirə hücum edib.