SON DƏQİQƏ: Müharibə səbəbindən 1 milyondan çox uşaq Ukraynanı tərk edib-FOTO

Artıq 1 milyondan çox uşaq Rusiyanın işğalı səbəbindən Ukraynanı tərk edib.

Belə məlumatları martın 10-da Birləşmiş Millətlər Təşkilatının Uşaq Fondu (UNICEF) dərc edib.

Beynəlxalq təşkilatın məlumatına görə, kiçik ukraynalıların əksəriyyəti ailələri ilə birlikdə Polşa, Macarıstan, Slovakiya, Moldova və Rumıniyaya qaçıb.

UNICEF-in Avropa üzrə regional direktoru Afşan Xan deyib: “Qaçan uşaqların sayı hyacan doğurur, bu, Ukraynada uşaqlar və ailələr üçün vəziyyətin nə qədər çıxılmaz olduğunu göstərir. Uşaqlar təhlükəsizlik axtarışında bildikləri hər şeyi tərk edirlər. Bu, ürək ağrıdır”. Afşan Xan Orta Asiya Fond tərəfdaşları ilə birlikdə 20 min uşaq və anaya kömək məqsədilə Ukraynanın 5 müxtəlif bölgəsində müharibədən zərər çəkmiş 22 xəstəxanaya tibbi ləvazimatların çatdırılmasını və bir sıra digər tədbirlər həyata keçirirəcəyini vəd edib.

Bundan əlavə, UNICEF Ukraynaya humanitar yardım və evakuasiya üçün təhlükəsiz, sürətli və maneəsiz çıxışa çağırır.

“Biz ehtiyacı olan uşaqlara və ailələrə kömək etmək üçün əlimizdən gələni edirik, lakin müharibə bitməlidir. Sülh yeganə davamlı həll yoludur”, – Xan deyib.

UNİAN-ın daha əvvəl bildirdiyi kimi, Ukraynada rus işğalçıları nəticəsində azı 71 uşaq həlak olub, 100-dən çox uşaq yaralanıb.