SON DƏQİQƏ: Qırğızıstan-Tacikistan sərhədində atışma baş verib – FOTO
24.kg MTN-nin Sərhəd Xidmətinə istinadən xəbər verir ki, dövlət sərhədinin Qırğızıstan-Tacikistan hissəsində silahdan istifadə ilə insident baş verib.
Onun sözlərinə görə, saat 10.50 radələrində Tacikistan sərhəd dəstəsi Batken rayonunun Teskey ərazisində sərhədin təyin olunmamış hissəsində növbətçilik edərkən, əvvəllər istifadə olunan marşrutu dəyişərək, yeni sərhəd xəttinə keçib və Qırğızıstan sərhədçilərinin ərazini tərk etməsini tələb edib.
Tacikistan sərhədçilərinin olduğu yerə əlavə qüvvələr gəlib. Tacikistanın sərhədçiləri say üstünlüyündən istifadə edərək, yeni sərhədə keçməyə çalışıblar. Lakin Qırğızıstan sərhədçiləri Tacikistan Respublikasının hərbçilərinə öz niyyətlərini həyata keçirməyə imkan verməyiblər. Nəticədə 10 dəqiqəyə yaxın davam edən atışma başlayıb. Atışma nəticəsində Qırğızıstan tərəfdən xəsarət alan və ya zərərçəkən olmayıb.
Dərhal tərəflərin sərhəd nümayəndələri arasında telefon danışığı baş tutub, nəticədə sərhəd nümayəndələri gələnə qədər sərhəd dəstələrinin hadisə yerindən çıxarılması və digər əlavə qüvvə və vasitələrin gətirilməsinə yol verilməməsi barədə qərarlar qəbul edilib.
Bildirilir ki, ilkin məlumatlara görə, Tacikistan tərəfdən yaralılar var.
İki ölkənin sərhəd nümayəndələri danışıqlar aparır. Qeyd olunur ki, Teskei ərazisi dövlət sərhədinin təsvir olunmamış hissəsidir, lakin faktiki olaraq Qırğızıstan vətəndaşları tərəfindən istifadə olunur. Batken bölgəsində yerləşən sərhəd bölmələri xidmətin gücləndirilmiş versiyasına keçirilib.
Öz növbəsində Sputnik Tacikistan xəbər verir ki, təsdiqlənməmiş məlumatlara görə, nəticədə sərhədçi Sünnətullo Səmədov güllələnib.
Çorkuh kənd sakini Zikrullo Kərimov deyir ki, martın 10-da səhər saatlarında qırğız sərhədçiləri torpaqlarında ağac əkən bir neçə kənd sakinini atəşə tutublar. “Atışma saat 09:30 radələrində baş verib. Hazırda kəndin bütün sakinləri hadisə yerinə toplaşıblar”, – deyə agentlikdəki mənbə bildirib. Bu məlumatı Sputnik Tacikistana İsfara şəhərinin administrasiyasından da təsdiqləyiblər. Yerli hakimiyyətin sözçüsü bildirib ki, rəsmilər artıq hadisə yerinə gedib.
“Hadisədə kimin yaralandığı barədə məlumat verilmir. Hazırda bütün dövlət rəsmiləri Çorkaya gediblər”, – mənbə bildirib.