SON XƏBƏR: Filippində “Haiyan” qasırğası 10,000-dən çox insanın həyatına son qoyub- FOTO

Filippində “Haiyan” qasırğası

Rabitə İtkisi Səbəbindən Təcili Yardım Əməliyyatları vaxtında yerinə yetirlmir.

İctimaiRəy.az–Güclü Haiyan tayfunu Filippinin 9,53 milyon sakininə zərər vurub, yerli hakimiyyət orqanları təbii fəlakətin əsl miqyasını aydınlaşdırmaqda davam edir. Bu barədə bu gün Respublika Sosial Müdafiə və İnkişaf Nazirliyi məlumat yayıb.

Onun məlumatına görə, “449,4 min nəfər evini itirib və müvəqqəti yaşama mərkəzlərinə yerləşdirilib”. “Daha 182 379 nəfər dost və qohumlarının evlərinə sığınıb”, – deyə agentlik bildirib.

O, ölkənin zərər çəkmiş bölgələrinə 10,6 milyon peso (245 min dollardan çox) dəyərində humanitar yardım göndərib.

İdarənin rəhbəri Corazon Soliman bununla bağlı deyib: “Əlaqə çatışmazlığı səbəbindən təcili yardım əməliyyatı ləngiyib. Biz nazirlikdə əhaliyə dəstək olmaq üçün əlimizdən gələni edirik”. Onun sözlərinə görə, noyabrın 7-dən etibarən əməliyyata ölkənin hər yerindən 1906 könüllü cəlb olunub.

Filippin səlahiyyətliləri Haiyandan ölənlərin sayını 10,000-dən çox hesab edirlər. Xüsusilə, Samar adasında / eyniadlı əyalət / 300-ə yaxın sakin ölüb, iki min nəfər itkin düşmüş hesab olunur. Tayfunun əsas zərbəsi Leyte əyalətinə də düşüb.

Tayfun çoxsaylı daşqınlara və torpaq sürüşməsinə səbəb olub və 220 min əhalisi olan Filippinin sahilyanı Tacloban şəhərini az qala yerlə-yeksan edib. Şəhərdəki binaların çoxu ciddi şəkildə zədələnib və ya dağılıb. Əsas magistrallar su altında qalıb və ya yıxılan ağaclarla zibillənib, bununla əlaqədar Taclobanın xarici dünya ilə əlaqəsi kəsilib. KİV-in məlumatına görə, şəhərdə külli miqdarda talan halları var. Filippin xilasetmə xidmətləri bir gün əvvəl yerli hava limanına üç yük təyyarəsini endirə bilib. Bununla belə, şahidlər bildirirlər ki, Tacloban terminalından uçuş-enmə zolağından başqa heç nə qalmayıb.

 

 

 

 

 

 

 

 

Filippin prezidenti Benigno Aquino daha əvvəl dağıntıların təmizlənməsi və sağ qalanların axtarışına kömək etmək üçün ordunun və xüsusi texnikanın zərər çəkmiş ərazilərə göndərilməsi barədə göstəriş vermişdi.

Bu arada Vyetnamın mərkəzi hissəsində 6 nəfər həlak olub, onlarla insan yaralanıb. Təbii Fəlakətlərin Qarşısının Alınması üzrə Milli Əlaqələndirmə Komitəsinin məlumatına görə, yaşayış binalarının möhkəmləndirilməsi və ağac taclarının kəsilməsi işləri zamanı baş verən bədbəxt hadisələr nəticəsində insanlar ölüb.

 

 

 

 

 

 

 

 

Pekin müxbirinin verdiyi məlumata görə. İTAR-TASS xəbər verir ki, Çinin Tayvan adasının şimal-şərq sahilində yerləşən Fyodor Jirovda  güclü dalğalar tərəfindən 16 turisti okeana aparıb, onlardan 8-i boğulub.

Haiyan bu il Sakit okeanda əmələ gələn 30-cu tropik siklondur.