Rusiya oliqarxları təlaş içində: Yaxtalarını gizlətmək  liman axtarır-Foto

Rusiyanın Ukraynaya hücumundan sonra, tətbiq edilən sanksiyaların hədəflərində həm də bir çoxu Putinlə yaxın dost olan rus oliqarxlarının sərvətləridir. Rusiyalı milyarderlərin aktivləri də sanksiyalara məruz qala bilər. Milyardlıq sərvətlərini xilas etməkdən narahat olan rus oliqarxları ələ keçməmək , meqayaxtalarına liman axtarırlar. Maldiv adaları, Dubay, Barselona limanlarına üstünlük verən yaxtalar dayanmadan hərəkət etməyə başlayıblar, Hind okeanına doğru istiqamət alıblar. Almaniyanın 600 milyon dollar dəyərində meqayaxtasının ələ keçirildiyi bildirilir.

Rusiyaya qarşı ağır iqtisadi sanksiyaların hədəfi olan rus milyarderləri çoxmilyonluq yaxtalarını xilas etməyə tələsir. Rus oliqarxları ələ keçiriləcəyindən qorxduqları yaxtaları üçün təhlükəsiz liman axtarmağa başlayıblar.

Rus milyarderləri dünyanın ən böyük və ən bahalı yaxtalarına sahibdirlər və bu meqayaxtaları gizlətmək asan deyil. Rusiyalı milyarderlərin yaxtaları gəmilərin hərəkəti sistemi vasitəsilə izlənilir.

Yaxtaların əksəriyyəti Hind okeanındadır, digərləri isə hərəkətdədir. Yaxtaların hərəkətləri VesselFinder.com saytında da izlənilir.

Hazırda Maldiv adalarında 4 ən böyük yaxta ruslara məxsusdur. Bu ölkənin ABŞ ilə ekstradisiya müqaviləsi yoxdur.

Ərazidəki ən böyük gəmi Viktor Raşinkovun 140 metrlik “Okean Qələbəsi”, Oleq Deripaskanın digər 111 metrlik “Clio” və Aleksi Mordaşovun 142 metrlik “Nord” gəmisidir.

Andrey Kostinin “Dəniz rapsodiyası”nın fevralın 18-də Türkiyədən ayrıldıqdan sonra, fevralın 21-də Rusiyanın Ukraynanı işğal etməsindən əvvəl Seyşel adalarına getdiyi bildirilir. Yaxta Süveyş kanalından keçərkən görüntülənib.

Qlobal meqayaxta donanmasının 7-10 faizinin ruslara aid olduğu təxmin edilir.

Gəmi izləmə məlumatlarına görə, çərşənbə günü Oleq Deripaska və Aleksandr Abramova məxsus iki gəmi Male yaxınlığındakı sulara daxil olub. O, bu ada ölkəsinin sularında rusiyalı oliqarxlara məxsus daha üç yaxtanın, o cümlədən xalis aktivləri 25 milyard dolları keçən Vladimir Potaninə məxsus yaxtanın üzdüyünü bildirib.

ALMANİYA ƏLƏ KEÇİRTDİ

Almaniyanın rusiyalı milyarder Əlişir Usmanovun meqa yaxtasını həftə ərzində ələ keçirdiyi bildirilib. Tam təsdiqi mümkün olmayan bu məlumata görə, Usmanovun yaxtası texniki qulluq üçün Hamburdda olub və yəqin ki, bu səbəbdən qaça bilməyib. Bu, fevralın 24-də Rusiyanın Ukraynaya hücumuna başlayandan bəri ələ keçirilən ilk yaxtadır.

Alman gəmi istehsalçısı Lürssen-in məlumatına görə, 15,917 tonluq “Dilbar” yaxtası ümumi tonajda dünyanın ən böyük motorlu yaxtasıdır. Usmanov yaxtanı təxminən 600 milyon dollara alıb və tikintisi 52 ay çəkib. Özbəkistanda doğulan Usmanov daim Putinə sevgisini bildiririb.

TƏYYƏRLƏRƏ DƏ ƏL QOYULACAQ

ABŞ-ın Rusiya prezidenti Vladimir Putin və rus oliqarxları da daxil olmaqla bir çox insana sanksiya tətbiq etmək qərarına gəldiyini xatırladan ABŞ dövlət katibi Blinken, “ABŞ Ədliyyə Nazirliyi nəzdində yaradılan yeni işçi qrupu ilə rus oliqarxlarının yaxtaları, şəxsi təyyarələri və bütün digər aktivlərini dondurub müsadirə edəcək”. deyib.