Fransadan  “La Gazette” xəbər portalı: Kərim Kərimov  “Kosmos fatehlərinin sərkərdəsidir”

Fransanın populyar “La Gazette” xəbər portalı Azərbaycan Dövlət Tərcümə Mərkəzinin “Azərbaycan həqiqətləri beynəlxalq virtual aləmdə” layihəsi çərçivəsində keçmiş SSRİ-nin kosmik sənayesinə 25 il rəhbərlik etmiş general-leytenant, böyük azərbaycanlı Kərim Kərimov haqqında “Kosmos fatehlərinin sərkərdəsi” adlı məqalənin yayımına başlayıb.

İctimairey.az xəbər verir ki, məqalənin müəllifi tanınmış jurnalist, Dövlət Tərcümə Mərkəzinin əməkdaşı Hacı Abdulla, fransız dilinə tərcümə müəllifi mərkəzin fransız dili üzrə mütəxəssisi Fərhad Tağızadədir.

Qeyd edək ki, geniş oxucu auditoriyası tərəfindən izlənilən “La Gazet-te” portalı müntəzəm olaraq səhifələrində dünyanın məşhur elm, incəsənət xadimləri, görkəmli şəxsiyyətləri haqqında materiallar işıqlandırır.