SON DƏQİQƏ: Türkiyədən Ukraynaya yardım

Qızıl Aypara Rusiyanın hücumu altında Ukraynaya humanitar yardım üçün hərəkətə keçdi. Bu gün üç yardım maşınının yola düşəcəyi gözlənilir.

Rusiya Ukrayna”da Donbas bölgəsindən başladığı hücumu davam etdirir. Rusiya tanklarının paytaxt Kiyevə doğru irəlilədiyi bildirilir.

Ukrayna xalqı da hücuma görə çətin vəziyyətdədir. Ukrayna hakimiyyəti humanitar yardıma çağırıb.

Bu çağırış Türkiyə tərəfindən cavablandırılıb. Qızıl Aypara yardım karvanının bu gün yola düşəcəyi bildirilir.

Ukraynaya göndəriləcək 3 yardım maşınında 210 kvadratmetrlik ümumi təyinatlı çadırlar, ailələrin sığınacağı üçün fəlakət çadırları, çarpayı, ədyal, uşaq yorğanı, yuxu çantaları kimi təcili humanitar yardım materialları olacaq.