Alimlər spirtin COVID-19-a yoluxma riskinə təsirini aşkar ediblər

Alimlər Covid-19-a nə yoluxma riskini artırır sualına cavab veriblər

Almaniyanın Heidelberg Universitetinin alimləri aşkar ediblər ki, həddindən artıq içki qəbul etmək COVID-19-a yoluxma riskini artırır. Tədqiqatın nəticələri BioRxiv elmi məqalələrin preprintləri portalında dərc olunub.

İnsanlarda alkoqolizmin müxtəlif formalarına uyğun olaraq üç qrup eksperimental siçanlara spirt vurulub: inyeksiya və spirt buxarları vasitəsilə, bəzi siçanlara isə çəkilmə sindromu yaratmaq üçün birdən-birə spirtdən məhrum edilib.

Mütəxəssislər koronavirusun nüfuz etməsinə cavabdeh olan genlərdəki dəyişiklikləri izləyə biliblər. Alkoqolun virusun orqanlara nüfuz etmə qabiliyyətinə təsir etdiyi məlum olub.

Həmçinin, spirt içmək soyuqlamaya qarşı təsiri azalda bilər, çünki spirt bədənin bu reaksiyasına cavabdeh olan hüceyrə membranında yerləşən Mas reseptorlarına təsir göstərir.