Braziliyanın Petropolis şəhərində ölümlə nəticələnən torpaq sürüşmələri baş verib

Braziliyanın Petropolis şəhərində torpaq sürüşməsi və daşqınlar nəticəsində azı 38 nəfər həlak olub, xilasedicilər bildiriblər.

Rio-de-Janeyrodan şimalda dağlarda yerləşən şəhərə güclü yağış yağıb.

Daşqın suları şəhərin küçələrindən keçərək, dağlıq məhəllələrdəki evləri dağıdıb, avtomobilləri aparıb.

Şəhər meri fövqəladə vəziyyət elan edib.

Axtarış-xilasetmə qrupları sağ qalanların axtarışı üçün palçığı darayır. Rusiyada rəsmi səfərdə olan prezident Jair Bolsonaro zərərçəkənlərə təcili yardım təşkil edəcəyini bildirib.

180-dən çox əsgər hadisə yerinə göndərilib və daha çox ixtisaslaşmış axtarış qruplarının çərşənbə günü gələcəyi gözlənilir.

Ən çox zərər çəkmiş ərazilərdən birində sel sularının 80 evə ziyan vurduğu təxmin edilir.

Bir vaxtlar Braziliya imperatorunun yay iqamətgahı olan Petropolis məşhur turizm məkanıdır. Amma şəhərin yerləşdiyi yer sürüşməyə  meyllidir.

Ən dəhşətli hadisə 2011-ci ildə, Petropolis və qonşu şəhərlərdə torpaq sürüşməsi nəticəsində 900-dən çox insanın öldüyü vaxt baş verib.