SON XƏBƏR: Alimlər parasetamolun təhlükəli təsirini aşkar ediblər

 Parasetamol qəbulu insult və ürək xəstəliyi riskini artıra bilər

Parasetamolun uzun müddət istifadəsi ürək xəstəliyi və insult riskini artıra bilər. Circulation jurnalı xəbər verir ki, bu qənaətə Edinburq Universitetinin alimləri gəlib.

Tədqiqatda yüksək qan təzyiqi olan 110 insan iştirak edib. Könüllülərin bir hissəsinə iki həftə ərzində gündə dörd dəfə parasetamol, ikinci hissəsinə isə plasebo verilib.

Belə ki, elm adamları tədqiqat iştirakçıları arasında orta hesabla qan təzyiqinin yüksəldiyini müəyyən ediblər. Mütəxəssislərin fikrincə, parasetamolun müntəzəm istifadəsi ürək xəstəliklərinin ehtimalını təxminən 20% artıra bilər.

Eyni zamanda, könüllülər dərman qəbul etməyi dayandırdıqdan sonra, təzyiqləri əvvəlki səviyyəyə qayıdıb.

Tibb elmləri doktoru Tatyana Bandurina COVID-19 üçün antibiotiklərlə özünü müalicə etməyin təhlükələrini izah edib. Həkim qeyd edib ki, bağırsaqlar üçün lazımi və effektiv qorunma olmadan antibiotiklə əlaqəli ishal baş verir.