Twitter “bəyənmirəm” düyməsini qlobal sınaqdan keçirməyə başlayıb

Twitter istifadəçilərə sosial platformada yazıları bəyənmədiyini bildirməyə imkan verəcək tvitlər üçün yeni “bəyənmirəm” düyməsinin qlobal sınaqlarına başlayır. Şirkət artıq funksiyanın məhdud sınaqlarını həyata keçirib.

İctimairey.az bu barədə MacRumors-a istinadən yazır.

“İstifadəçilərin müvafiq hesab etmədiyi cavab növləri haqqında çox şey öyrəndik və bu testi genişləndiririk – brauzerdə, həmçinin iOS və Android proqramlarında qiymətləndirmə düyməsini basın”, – Twitter bildirib.

Sosial şəbəkə bildirir ki, ilkin sınaqlar istifadəçilərin əksəriyyətinin bəyənməmək düyməsini basmasının səbəbinin tviti təhqiredici və ya uyğun olmayan kimi qəbul etmələri olduğunu göstərib. Twitter xəbər verir ki, yeni funksiyanı sınaqdan keçirənlər, onun sosial şəbəkədə söhbətlərin keyfiyyətini yaxşılaşdırdığı ilə razılaşırlar.

Qeyd edək ki, “bəyənmirəm” düyməsi yalnız tvitə baxan şəxsə görünür. Həmin düymə müəllifinə və ya digər istifadəçilərə görünmür. Twitter deyir ki, bu, Twitter-ə insanların söhbətdə nəyin vacib olduğunu daha yaxşı anlamağa kömək etmək üçün nəzərdə tutulmuş daxili alətdir.