Artak Zakaryan: Əliyev də, Nikol da deyir ki, Ermənistanın ordusu olmamalıdır, ona görə də bayramı dayandırdılar.

Hakimiyyət ordunun bütün tarixinə tüpürdü. Ermənistanın hakimiyyət orqanları tək ordunun bütün tarixinə laqeyd qalmayıb, silahlı qüvvələrə, üçüncü Ermənistan Respublikasına, yəni müasir tarixə öz hörmətsiz münasibətini nümayiş etdirdilər.

İctimairey.az xəbər verir ki, bu barədə Ermənistanın keçmiş müdafiə nazirinin müavini Artak Zakaryan Ermənistan mediyasına  müsahibəsində bildirib.

“Biz Ordu Gününü qeyd etməmişik. Bu, Ermənistanın nüfuzuna növbəti ağır zərbə oldu. Səbəb hakim gücün Ermənistan Respublikasına qarşı olması, ordunu məhv etməsi, onların konspirativ siyasəti nəticəsində Ermənistanın müharibədə ağır qanlı məğlubiyyətə uğraması, böyük itkilər verməsidir.

Və onların məqsədi erməni dövləti və ya erməni ordusunun olması deyil. Ona görə də vicdan əzabı çəkmədən ordu bayramını qeyd etməyə bilərlər. Məqsədləri erməni xalqını məhv etmək, türklərin və azərbaycanlıların istədiyi soy-kökündən məhrum etməkdir. Hökumətimizin başçısı türk və ya azərbaycanlı olsaydı, Milli Ordu Gününü qeyd edərdi, ya yox? Özləri türk olduqlarını deyirlər, amma biz onlara inanmırıq. Əliyev də, Nikol da deyir ki, Ermənistanın ordusu olmamalıdır, ona görə də bayramı dayandırıblar. Ordu olmasaydı, nə qeyd etməli?”, – deyə o bildirib.

Dövlət Dumasının deputatlarının Yerablurdakı (hərbi məzarlıq) davranışlarından danışan sabiq nazir müavini, onların harada olduqlarını anlamadıqlarını deyib.

“Onlar ordunun mənşəyində dayanmayıblar, hərbçi deyillər, bu ordunu döyüşə aparanlar, hərbi komandirlər və ya əsgərlər deyillər. Əminəm ki, onlar vətənin nə olduğunu, ölənlərin xatirəsini ehtiramla yad etmək nədir, ümumiyyətlə Yeraburun nə olduğunu heç anlamırlar”.

Keçmiş müdafiə nazirinin müavininin fikrincə, “ordu yoxdur” demək olmaz, çünki bu gün qalan bölmələr də Azərbaycandan qat-qat üstün döyüşə hazırdır.

“Ancaq bu hakimiyyət qalan ordunu dağıtmaq, məhv etmək istəyir, bu, göz qabağındadır. Onların heç ağlına da gəlməzdi ki, bizim bu qədər bacarıqlı, güclü və səmərəli ordumuz var, o, bu qədər sınaqlardan, sui-qəsdlərdən, siyasi xəyanətlərdən sonra tab gətirib. Son 1,5 ildə orduya ciddi xərclər çəkməyiblər, onu bərpa etmək üçün heç bir iş görməyiblər. Zabitlərimizdən biri mənə yazıb ki, yeməklər onsuz da o qədər dəhşətlidir ki, hətta 1992-93-cü illərdə belə yox idi. Bu utancvericidir. Ordu günü isə qeyd edilməli idi, çünki bu, dövlətimizin son 30 ildə əldə etdiyi ən mühüm institusional nailiyyət idi, ordu bizi dövlətin maraqlarına, erməni xalqının təhlükəsizliyinə hörmətlə yanaşmağa məcbur edib. Ən əsası isə, bu gün erməni xalqı elə bir vəziyyətdədir ki, sadəcə olaraq, onların mənəviyyatını yüksəltmək lazımdır”, – deyə Zakaryan bildirib.