Deputat Aqvan Vardanyan: Biz bütün cəmiyyətlə, Vətəni müdafiə etməyə hazır olmalıyıq

Ermənistanın və Qarabağın təhlükəsizliyini təmin etmək üçün, birmənalı olaraq peşəkar ordu yetərli deyil

Təəssüf ki, dövlətimiz və ordumuz üçün çətin günlər gəlib çatıb. Dəyərləri şübhəli rəhbər tutan, bu səriştəsiz hökumət son məğlubiyyətin günahkarıdır.

İctimairey.az xəbər verir ki, bu barədə yanvarın 28-də “Ermənistan” müxalifət blokundan olan deputat Aqvan Vardanyan hərbi hissələrə səfəri zamanı bildirib.

Eyni zamanda, onun sözlərinə görə, erməni əsgər və erməni zabiti məğlub olmayıb.

“Ordumuz bizim təhlükəsizliyimiz, qoruyucumuzdur. Əminəm ki, biz hazırkı vəziyyəti dəyişəcəyik. Ordu həm Ermənistanın, həm də Qarabağın müdafiəsini gücləndirməkdə davam edəcək. Çətinlikləri dəf etmək olar, çünki gözəl xalqımız var. O, bir az sınmış və ruhdan düşmüşdür, amma vaxt belədir. Dəyərsiz insanlar həmişə keçicidir, Ermənistan və Qarabağ isə, əminəm ki, yüksəlməkdə davam edəcək”, – Vardanyan bildirib.

Mövcud hökumətin peşəkar orduya keçidi həyata keçirmək niyyətinə toxunan deputat qeyd edib ki, bu, birmənalı olaraq kifayət deyil.

“Ən azı yaxın gələcəkdə yalnız peşəkar ordunun yaradılmasına arxalanmaq kifayət deyil. Bizim təhlükəsizliklə bağlı elə problemlər var ki, belə ki, xalqımızın bir hissəsi lazım gələrsə, Vətənini müdafiə etməyə hazır olmalıdır. Bəli, peşəkar ordunun əsasları yavaş-yavaş yaradılmalıdır və Paşinyan bunu birinci deyənlərdən deyil. Hesab edirəm ki, bu bölgədə sadəcə olaraq güclü ordumuz olmalıdır. Biz bütün cəmiyyətlə, Vətəni müdafiə etməyə hazır olmalıyıq”, – deyə müxalifətçi bildirib.