Küveytdə “fetva qaydalarına əsasən qadınların hərbi xidmətə çağırılması” təsdiqlənib.

Küveytin baş nazirinin müavini və müdafiə naziri Şeyx Həməd Cabir əl-Əli əs-Sabah Fətva Şurasının nizamnaməsinə uyğun olaraq, qadınların orduya cəlb olunmasını təsdiqləyib.

İctimairey.az xəbər verir ki, Küveytin rəsmi agentliyi KUNA-da yer alan xəbərə görə, Şeyx Həməd qadınların silahlı qüvvələrdə iştirakı ilə bağlı Fətva Şurasının fətva qaydalarına uyğun olaraq, nazirlik qərarı verib. Məqalədə məsələnin təfərrüatları yer almayıb.

Yerli mətbuatda yer alan xəbərlərdə “qəyyumun və ya ərinin razılığı, çadraya riayət etmək, tibb və tibb bacısı ixtisasları, texniki və maddi-texniki xidmət sahələrində işləmək, silah daşımamaq, hərbi təlimlərdə iştirak etməmək” kimi şərtlər qeyd edilib” sözləri orduya qəbul üçün irəli sürülüb.

SİLAHLI QÜVVƏLƏRƏ QADINLARIN QƏBUL EDİLMƏSİ

Müdafiə naziri Şeyx Həməd 2021-ci ilin oktyabrında ölkə tarixində ilk dəfə qadınların işə götürülməsinə icazə verən qərarı qəbul edib.

Küveytli millət vəkili Həmdan əl-Əzəmi isə, yanvarın 4-də müdafiə naziri Şeyx Həmədin qadınların orduya cəlb edilməsi ilə bağlı qərarına qarşı parlamentə etimadsızlıq sualı verib.

Şeyx Həməd daha sonra din xadimləri və alimlərlə görüşdən sonra, orduda könüllü qadınlar üçün keçiriləcək ilk təlimin rəsmi fətvaya qədər təxirə salındığını elan edib.

Müdafiə naziri, Fətva Şurasının məsələyə münasibət bildirməsindən sonra, ilk qadın namizədlərin silahlı qüvvələrə qoşulması və şərtlərin öyrəniləcəyi ilə bağlı öhdəlik götürüb.