İşğaldan azad edilən Kəlbəcər və Laçın rayonlarında dislokasiya olunan qoşunların döyüş qabiliyyətinin yüksək səviyyədə saxlanılması, o cümlədən bölmələrin fasiləsiz təminatının həyata keçirilməsi məqsədilə Azərbaycan Ordusunun Mühəndis Qoşunları tərəfindən yolların daima işlək vəziyyətdə qalması, qar örtüyündən təmizlənilməsi, eləcə də dağlıq və çətin keçilən ərazilərdə yerləşən bölmələrimizin mövqelərinə yeni təminat yollarının çəkilməsi üzrə fəaliyyətlər davam etdirilir.
Qeyd edək ki, Azərbaycan respublikasının dağlıq rayonlarına güclü qar yağıb. Milli Hidrometeorologiya Xidməti bir gün əvvəl xəbərdarlıq edib ki, bu bazar ertəsi Azərbaycanın cənub, şərq və qərb rayonlarına yenidən qar yağacağı, bəzi yerlərdə intensiv olacağı gözlənilir.
