Qazaxıstanın yeni hökuməti yanvarın 12-də iclas keçirəcək
Bundan əvvəl Qazaxıstan Prezidenti Kasım-Jomart Tokayev yeni Nazirlər Kabinetinin tərkibini təsdiqləyib.
İctimairey.az xəbər verir ki, çərşənbə günü, yanvarın 12-də Nur-Sultandakı Hökumət Evində Qazaxıstanın yeni hökumətinin ilk iclası keçiriləcək. Bu barədə Qazaxıstanın baş nazirinin mətbuat xidməti məlumat yayıb.
Məlumata görə, iclasın gündəliyinə prezident Kasım-Jomart Tokayevin yanvarın 11-də parlamentdə çıxışı zamanı verdiyi tapşırıqların icrası ilə bağlı tədbirlər daxildir.
Nazirlər Kabinetinin üzvləri ölkədəki sanitar-epidemioloji vəziyyəti də müzakirə edəcəklər.
Qeyd edək ki, Qazaxıstan prezidenti Kasım-Jomart Tokayev yeni hökumətin tərkibini təsdiqləyib.