Qazaxıstanda iğtişaşlar: Nazarbayev könüllü olaraq, özü son səlahiyyətindən əl çəkib

Nursultan Nazarbayevin mətbuat katibi Aidos Ukibay bildirib ki, Nazarbayev Təhlükəsizlik Şurasının rəhbəri postunu Kasım-Jomart Tokayevə özü verib və onlar həmişə “barrikadaların eyni tərəfində” olublar.

İctimairey.az xəbər verir: – “Elbaşı bütün bu günlərdə Nur-Sultanda olub və dövlət başçısına dəstək olub. Ancaq, vəziyyət çox çətin idi və buna görə də Elbasy özü Təhlükəsizlik Şurasının sədri vəzifəsini prezidentə təhvil vermək qərarına gəldi. Onu məcbur edən olmayıb” – Aidos Ukibay deyib.

Onun sözlərinə görə, iğtişaşlar günlərində Nazarbayev “yaxşı anlayırdı ki, iğtişaşlar və terror ölkə rəhbərliyindən operativ reaksiya tələb edir”.

Mətbuat katibi qeyd edib ki, Tokayev və Nazarbayev həmişə “barrikadaların eyni tərəfində” olublar və “hamımız üçün, bu çətin günlərdə onlar yenidən monolit dövlət hakimiyyətini nümayiş etdiriblər”.

Ukibai həmçinin mediada və sosial şəbəkələrdə “çoxlu sayda yalan şayiələr və təxribat xarakterli yazıların” yayılmasından şikayətlənib.

Bundan əvvəl mətbuat Nazarbayevin ailəsi ilə birlikdə Qazaxıstanı tərk etdiyini yazmışdı.