ŞOK XƏBƏR: Hindistanda 65 yaşlı təqaüdçü ən azı 11 Covid peyvəndi vurdurub

Brahmdeo Mandal peyvəndin 11 dozasını vurdurduğunu deyir. Lakin onlardan səkkizi qeydlərdə görünür.

Hindistanın Bihar əyalətində 65 yaşlı kişinin portalında ən azı 8 Covid peyvəndi olduğu ortaya çıxıb.

Brahmdeo Mandal etdiyi peyvəndlər sayəsində ağrılarından qurtulduğunu və sağlam qaldığını, heç bir yan təsirlə qarşılaşmadığını, ancaq keçən həftə 12-ci peyvəndini almaq üçün getdikdə immunizasiya mərkəzindən uzaqlaşdırıldığını söyləyir.

Mandalın bu qədər peyvəndi necə əldə edə bildiyini müəyyən etmək üçün, dövlət rəsmiləri tərəfindən araşdırma başladılıb.

İctimairey.az  bildirir ki, Səhiyyə rəsmisi Dr. Amarendra Pratap Shahi, “Biz onun dörd ayrı mərkəzdə ən azı səkkiz peyvəndi olduğunu gördük” deyib.

Hindistanda Covid peyvəndi proqramı keçən il yanvarın 16-da başlayıb.

İctimaiyyətə Hindistanda istehsal olunan iki vaksin arasından seçim etmək təklif olunur. Covishield-in iki dozası 12-16 həftə, Covaxin isə 4-6 həftə ara ilə verilir.

Ölkədə peyvəndin məcburi olmadığı 90 mindən çox peyvənd mərkəzi var. Bəzi mərkəzlərdə əvvəlcədən görüş təyin etmək lazım deyil. Peyvənd olunmaq üçün şəxsiyyət vəsiqəsi, seçici vəsiqəsi və ya sürücülük vəsiqəsini göstərmək kifayətdir.

Peyvəndlər haqqında məlumatlar Hindistanın CoWin vaksin portalına yüklənir.

Bu portaldakı məlumatlar Mandala eyni gündə, yarım saat fərqlə iki doza peyvənd verdiyini göstərir.