Gürcüstanda 3567 yeni koronavirusa yoluxma halı aşkarlanıb

    Gürcüstanda ümumilikdə 3567 yeni koronavirusa yoluxma halı müəyyən edilib.

    İctimairey.az Gürcüstanın Birinci Kanalına istinadən xəbər verir ki, bu barədə məlumat hökumətin stopcov.ge xüsusi saytında yenilənib.

    Son 24 saat ərzində ölkədə 2105 xəstə sağalıb. Son sutka ərzində 41 nəfər koronavirusdan ölüb.

   Son 24 saat ərzində ölkə üzrə 41 236 test, o cümlədən 24 593 sürətli antigen testi, 16 643 PCR testi aparılıb.

   Ölkədə koronavirusun aşkarlanması üzrə müsbət göstəricilər bunlardır: gündəlik – 8,65%, son 14 gündə – 6,18%, son 7 gündə – 7,43%.

    Gürcüstanda ümumilikdə 949 176 nəfər koronavirusa yoluxub, onlardan 908 813 nəfər sağalıb, 14 082 nəfər ölüb.

    Ümumilikdə 2 536 824 peyvənd aparılıb, gündə 7 867 nəfər peyvənd olunub.

    55 nəfər karantin rejimində, 4372 nəfər stasionar nəzarət altında, 936 nəfər isə covid otelindədir.