İctimairey.az hava limanının mətbuat xidmətinə istinadən xəbər verir ki, nümayişçilər Almatı hava limanını ələ keçiriblər.
İlkin məlumatlara görə, hava limanında 45-ə yaxın etirazçı var. Onların gəlişi ilə heyət hava limanını tərk edib. Terminalda sərnişin olmayıb, onlar əvvəlcədən təxliyə edilib.
“Onları 11-ci qapıdan çıxardılar. Elə bu vaxt təyyarə gəldi. Hərbçilər də hava limanını tərk etdilər, amma nə vaxt getdiklərini bilmirik. Onlar indi yoxdurlar. Hava limanının əməkdaşları sərnişinləri özləri təxliyyə ediblər”, – deyə hava limanının mətbuat xidmətindən bildirilib.
Almatı hava limanı Qazaxıstanın ən böyük hava limanıdır. Məlumatına görə, Antalyadan gələn təyyarə Alma-Ata yerinə Çimkəndə eniş edib.
Kostanaydan uçuş da gecikib, təyyarə eniş etməyib. “Air Astana”nın Almatıdan Aktau və Nur-Sultana reysləri ləğv edilib. Bir neçə saat əvvəl “Air Astana” öz Facebook səhifəsində “Qazaxıstandakı mövcud vəziyyətlə əlaqədar” əvvəlcədən hava limanına getməyi və rəsmi internet saytında uçuşun vəziyyətini yoxlamağı xahiş edib.
