Koronavirus Pasportu: Ölkə üzrə aparılan monitorinqdə 9 nəfər şənliyə buraxılmayıb
Ötən gün 9 nəfər koronavirus pasportu olmadığına görə şənliyə buraxılmayıb.
Daxili İşlər Nazirliyinin Mətbuat xidmətindən İctimairey.az-a verilən məlumata görə, yanvarın 3-də Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 108 toy şənliyinin monitorinqini həyata keçirib.
Monitorinq 100 şadlıq sarayında, 8 şəxsi həyətyanı sahədə keçirilən şənlikləri əhatə edib.
Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə, 1 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub.
9 nəfər isə COVID-19 pasportu olmadığına görə şənliyə buraxılmayıb.