107 milyon dollar təzminat: Kanada məhkəməsi İran tərəfindən vurulan sərnişinlərin ailələrinə təzminat kəsib

İddia həlak olanların 6 qohumu tərəfindən qaldırılıb. İddiaçıların vəkilləri deyirlər ki, onlar ailələrin borclu olduqları təzminatı ala bilmələri üçün, bütün dünyada İran mülklərinə həbs qoyulmasını tələb edəcəklər.

Kanadanın Ontario əyalətinin məhkəməsi 2020-ci ildə Tehranda Ukrayna Beynəlxalq Hava Yollarına məxsus təyyarənin qəzaya uğraması nəticəsində həlak olan 6 nəfərin ailələrinə İrandan 107 milyon dollar təzminat ödənilməsinə qərar verib.

Düşmüş təyyarənin göyərtəsində 176 nəfər, o cümlədən 55 Kanada vətəndaşı və 35 Kanadada yaşayış icazəsi sahibi olub. Zərərçəkmişlərin yaxınları Şahin Mohaddam, Merzad Zarey, Əli Qorji və İran hakimiyyətinin hərəkətlərindən qorxduğu üçün, onların xahişi ilə adları açıqlanmayan daha üç nəfər Kanada məhkəməsində İrana qarşı mülki iddia qaldırıb.